Бусдыг татах 25 арга

“Өөрийг нь ойлгож байгаа зүгт хүн өөрийн эрхгүй татагддаг нь жам”
Агуулга: Өөрийгөө зөвөөр илэрхийлэх зарчим
Олон жилийн турш сэтгэл зүйчид хүн өөрийн сэтэл хөдлөлийн сөрөг талыг  олж илрүүлэн тэдгээрийг засах нь хамгийн чухал гэж үздэг байв. Харин өнөө үед үүнээс илүү аргыг бид мэдэх болсон билээ. Орчин үеийн сэтгэл судлаачид хүний доголдолтой тал дээр төвлөрөхөөс илүүтэйгээр хүний давуу тал дээр судалгаагаа төвлөрүүлэн явуулдаг болсон байна. Сэтгэлийн дарамт, айдас түгшүүргүй байх нь аз жаргалийн үндэс биш юм байна гэдэг нь сүүлийн үеийн судалгаагаар нотлогдсон билээ. Та эрүүл саруул болтлоо аз жаргалтай байж чадахгүй харин эрүүл саруул байна гэдэг нь зөвхөн өвчин зовлонгүй байхыг хэлдэггүй.Мөн зөвхөн зан чанарын доголдолгүй байх нь тухай хүний сэтгэл зүй эрүүл саруул байна гэдгийг илэрхийлэхгүй. Харин энэ бүхэн хүмүүс хоорондын харилцааны гүнд оршдог билээ. Магадгүй та өөрийн огцом зангаа засах шаардлагатай байж болох юм эсвэл хариуцлагагүй байдал дээрээ ажиллах хэрэгтэй ч байж магадгүй. Буруу зуршлаасаа салж ажилдаа хандах хандлагаа өөрчлөх хэрэгтэй ч байж магад хүн болгонд даван туулах ёстой даваанууд гэж байдаг.
Зарчим: Авч байгаагаараа бус өгч байгаагаараа үнэлэгддэг.
–	Би бусдыг хэзээ хамгийн сүүлд урамшуулан магтсан билээ?
–	Хийсэн алдаагаа хүлээн зөвшөөрч уучлал гуйх дадал надад бий юу?
–	Миний нүд бусдын сайн тал эсвэл муу талын алийг нь олж хардаг вэ?
Өнөөдөр би бусдыг амжилтад хүрэхэд нь туслах болно. Над дээр ирсэн хүмүүс надаас сайхан зүйл мэдрээд буцах болно. Би бусдын амьдралд өдөр бүр сайхан түүхийг бүтээх болно. Өнөөдөр би бусдыг сайшаан магтаж урамшуулан дэмжих болно.