Англи хэл сурахад учир бий

Энэ ном маань англи хэлний бусад сурах бичиг, гарын авлагуудаас ялгаатай. Бусад сурах бичиг, гарын авлагууд нь голдуу дүрэм, цаг заадаг бол энэ ном анхлан суралцаж байгаа хүмүүст урам зориг, шалтгаан үүсгэх, суралцаж эхлээд дунд шатандаа яваа хүмүүст цаашид арга, эв дүйгээ олох, улам дэлгэрүүлэн сурах хэрэгслийг нь орчин үеийн арга барилаар олгох зорилготой юм. Тийм болохоор хичээл гэхээсээ илүү зөвлөгөө их бий. Гэвч дүүрэн тексттэй баахан зөвлөгөө уншигч таны нүүр өөд сэвэхгүйн тулд зөвлөгөөнүүдийн дунд үгсийн салаа утга, уг гарвалийг тайлбарласан, мөн хэлц, хэллэгийн утга, хэрэглээний тайлбаруудыг, бас ч үгүй тархи амраах, хөгжилтэй нийтлэл оруулсан байгаа. Таалан болгооно уу.