Хулгайн хэргийн адармаа

Цаг их зарцуулахгүйгээр уншчих, бас тархиа түр зуур сэргээн, өдөр тутмын амьдралын нүсэр дарамтаас түр ч болов ангижрах боломжийг олгох адал явдалт өгүүллэгийн бяцхан түүврийг уншигч танд толилуулж байна. Энэ түүвэрт хайр сэтгэл, мөнгө шунал, учир битүүлэг үхэл, зальт хулгай, санамсаргүй хохирлын түүх гэхчлэн багтсан бөгөөд санаатай ингээгүй ч нэгтгэн нэг ном болгосон хойноо харвал "дордохын долоо"-н өгүүллэг орчихжээ. Инээдтэй ч юм шиг, гунигтай ч юм шиг... Гэхдээ уншигч танд таалагдаж байвал тэр юуны хамаа байх билээ...