Электроникийн үндэс

Үйлдвэрлэл, судалгаа шинжилгээний төдийгүй ахуйн хэрэглээний бүх багаж, төхөөрөмж электрон удирдлагатай болсон өнөө үед электроникийн үндсэн ойлголт болон мэдлэг хүн болгонд шаардлагатай болжээ. Хэлхээний зураг схем ойлгож түүнийгээ угсарч ажиллуулах, багаж ашиглан хэмжилт хийх, хэмжилтийн үр дүнг боловсруулах нь инженер хүний эзэмших ёстой чадварууд юм. Электроникийн үндэс хичээлээр Омын хуулиас эхлээд орчин үеийн тоон электроник хүртэл эхнээс нь заадаг учраас ахлах ангийн сурагч болон оюутнууд үзэхэд тохиромжтой юм. Түүнчлэн энэхүү гарын авлагыг ямар ч түвшний оюутнууд ашиглах боломжтойгоор шинэчлэн боловсруулсан.