Эсрэг цаг

Доктор П.Батхуягийн энэ ном өөрийн амьдарч буй цаг үе нийгэм, боловсрол, соёл-утга зохиолын янз бүрийн асуудлыг хөндөж, үзэгдэл үйл явцыг хооронд нь нягт холбож, шинжлэх ухаан-урлагийн онолын үүднээс буурь суурьтай, гярхай задлан шинжилсэн, оюутан суралцагчдад нэг талаасаа онол арга зүйн болоод урлагийн шүүмжлэлийн онол-арга зүй эзэмших, дадал дүй олоход сургалт-эрдэм шинжилгээ, практикийн олон талын ач холбогдолтой ном болжээ. Түүний урлаг, уран зохиолын шилдэг бүтээлүүдийг задлан шинжилсэн шүүмж өгүүллүүд нь орчин үеийн нийгэм-урлагийн холбоо хамаарлын эмзэг нарийн асуудлууд, тухайлбал боловсрол, эх хэл, утга зохиол, ёс суртахууны асуудлуудыг хөндсөн нийтлэл бичвэрүүд нь зөвхөн хувь хүний бодол санаа төдий бус өөрийн улс орны урлаг соёлын салбарт ажиллагсад, суралцагчдад ихээхэн ач холбогдолтой сургалтын хэрэглэгдэхүүн болж, олсон онолын мэдлэгээ практикаар бататгах, мэргэжлийн чиг баримжаа олох, арга зүй эзэмших, мэдлэгээ баяжуулахад чиглэсэн байна.