Мөнгөний дайн

Мөнгөний талаар бичигдсэн номуудын дундаас хамгийн их зарагдсан ном ажээ. Уг ном нь дэлхийн санхүүгийн ертөнцөд өрнөх “Санхүү, хөрөнгийн зах зээлийн түүх”-ийн талаар ихэд сонирхолтойгоор бичигдсэн төдийгүй санхүү-эдийн засгийн салбартаа “бэстселлэр” ном юм. 2007 оны 6 сард анх хэвлэгдсэнээс өдгөөг хүртэл Япон, Солонгос, Франц, Польш, Вьетнам хэлнээ орчуулагдсан байна. Тэгвэл 2020 онд монгол хэлнээ орчуулагдан эрхэм уншигч таны гар дээр хүрч байгаа нь энэ билээ. Номыг уншсанаар Эндрью Жексон, Абрахам Линкольн, Ж.Ф. Кеннеди зэрэг АНУ-ын түүхэн ерөнхийлөгчид хэрхэн “мөнгөний дайн”-ы золиос болж амиа алдсан тухай, мөн Дэлхийн 1, 2-р дайн болоод 1929 оны Их хямрал, Японы алдсан 10 жил, Азийн санхүүгийн хямрал гэх мэт олон арван түүхэн үйл явдалтай холбоотой тэр бүр олны сонорт хүрч амжаагүй сонирхолтой мэдээллийг олж авах боломжийг энэхүү ном олгож байгаа юм аа.