Зохиолч Б.Ойдовын "Айн Жалудын цавчилдаан" тууж нь "Төрт ёс-Хаадын сан"-гаас зарласан Монгол жанждын тухай түүхэн зохиолын уралдаанд тэргүүн байрын шагнал хүртсэн гоц бүтээл билээ. Энэхүү зохиолд Чингис хааны омбол хүү Хүлэг хааны Арабын eртөнцөд хийсэн аян дайны тухай өгүүлнэ. Хүлэг хааны итгэлт хүмүүн Хитбуха жанжныг арабчууд олзлон авч амьдаар нь дөрвөн мөчийг нь тасдан, толгойг нь шонд өлгөж Миссир даяар жигшүүлж байсан эмгэнэлт түүх энэхүү зохиолын гол цөм нь болжээ.