Бусдын сексийг битгий шүү

"Бусдын сексийг битгий шүү". 
Содон нэртэй  энэхүү тууж нь Ц.Ганга зохиогчийн 2 дахь үргэлжилсэн үгийн бүтээл юм. 
"Би хүүхэд насаа хүрэлцээгүй зүйлийн төлөө тэмцэж өнгөрөөсөн хүн. Харин одоо хүрэлцээгүй, гартаа оруулж боломгүй үнэ цэнтэй, ховор нандин зүйл нь өөрөө болчихсон байна гээд төсөөлөхөөр хамаг бие халуу шатдаг. Эрчүүд миний төлөө алалцан тэмцээд хамгийн хүчтэй нь гартаа оруулмагцаа асгартал уйлах сайхан үгийг хэлбэл эм хүйсээ мэдрэх мэт санагддаг" (зохиолын хэсгээс) 

Энэхүү туужийн нэрд хэрэглэсэн "секс" гэдэг үгийг "бусдын хувийн амьдрал, оршихуй, хайр дурлал, сонголт, хүйс, даавар" гэдэг үгсийг төлөөлүүлэн хэрэглэсэн болно. Секс хэмээх үгийн оронд дээрх үгсийг орлуулаад уншиж үзээрэй. Ер нь энэ ном маань "Бусдын амьдрал (хувийн мэдээлэл, хүйс, оршихуй)-г битгий шүү" гэдэг нэртэй юм.