Бүхий л урлагт өнгөц зүйл, мөн далдын гүн бэлгэдэл бий. Тэрхүү өнгөн хэсгээс чанад дотогш нэвтэрхийг оролдсон хүмүүн маш том эрсдэл хийж буй гэсэн үг. Түүнчлэн тэрхүү бэлгэдлийн утга учрыг олсон хүмүүн ч бас л эрсдэлтэй алхам хийж байна. Мөн чанартаа урлаг нь амьдралыг биш, өнгийж харсан хүмүүнийг өөрийг нь л тусган харуулдаг толь билээ. Урлагийн бүтээл олон түмний маргааныг өрнүүлэх аваас түүнд ямар нэгэн шинэлэг, хэцүү хийгээд чухал зүйл оршиж буй хэрэг. Шүүмжлэгчид юу л гэнэ, тэгцгээж л байг, зураач хүмүүн өөртөө итгэлтэй үлддэг. Бусдад хэрэгтэй зүйл бүтээсэн хүмүүн түүнээ дөвийлгөж гайхуулахгүй байвал уучилж болно. Үүний адил ямар ч үр ашиггүй зүйл бүтээсэн нэгнийг гагцхүү хийсэн бүтээлээ үнэн голоосоо хайрлаж буйн төлөө зөвтгөж болох билээ. Утга бүхий л урлаг ямар ч үр ашиггүй байдаг юм даа.