Орчлонд илгээх захидал

Америкийн нэрт яруу найрагч Эмили Дикинсон өөрийн гайхалтай шүлгүүд болон этгээд амьдралын хэв маяг, үзэл бодлоороо олны анхаарлыг яах аргагүй татдаг. Амьд ахуйдаа тэрээр нэг ч шүлгээ хэвлүүлж байгаагүй бөгөөд нас барсаных нь дараа гэрээс нь 1800 гаруй шүлэг нь олдож хожмоо алдаршисан юм. Өөрийн гэсэн мяндашгүй  үзэл бодолтой, түүндээ мятрашгүй үнэн ч байсан нууцлаг хатагтайн шүлэг өдгөө яруу найргийн сонгодог, шилмэл бүтээлд зүй ёсоор багтдаг билээ.