Өөрийгөө хянаж сурахуйн ухаан

Бүхий л амжилт хатуу бат сахилгатай хүнийг л дагадаг. Багахан ажилтандаа эрдэж өөр зүгт анхаарах аваас амжилт тэрхэн зуур амтаа таниулаад л өнгөрөх болно. Би маш даруухан амьдардаг байлаа. Бүр адгууснаас ч дор амьдарч байсан ба хорь ч хүрэлгүй хорвоог орхих тавилантай байв. Өөрийгөө хянаж, хатуу сахилгыг мөрдсөнөөр хувь тавилан судлагч болж, олон ч шавьтай болсон. Ихэд сурч мэдсэн гэх хүмүүс намайг шоолж мэдэх ч үүнд хүндэтгэлгүй бүү хандаасай гэж хүсэж байна. Энэ номын агуулгыг үл тоомсорлох аваас амьдрал хэмээх уртын урт аяны төгсгөлд амжилт ойрхон байхгүй л байх болов уу. Ихээхэн амжилтад хүрсэн хүмүүс бүгд мэдэх хэдий ч хараахан хүсэл мөрөөдөлдөө шатаж хийх бүтээх зүйлээр дүүрэн залууст энэхүү номоо зориулж байна. Мэдээж би төгс хүн бус тул хазгай ташаа зүйл байхыг үгүйсгэхгүй, гэхдээ аар саар зүйлд хэт анхааралгүй гурван удаа лавтай сайн уншсаны дараа дүгнэлтээ гаргаасай гэж хүсэж байна.