Хайрын ном

Тэд биднээс суралцахаас илүүтэй биднийг хүмүүжүүлж, ухаан суулгахаар тусгай томилолтой ирсэн хүмүүс юм гэдгийг та энэхүү номноос ойлгож авах болно. Сайн ярилцдаг хүүхдүүд том болоод нийгэмд байр сууриа эзлэхдээ хурдан, манлайлах чадвар өндөр, оюун санаа, хэл ярианы хөгжил сайн байх төдийгүй ой тогтоолт, бүтээлч сэтгэлгээ нь илүү хурдтай ажилладаг тул өрнийн сурган хүмүүжүүлэх аргачлал хүүхдийн өөрийгөө илэрхийлэх чадварыг хөгжүүлэхэд гол анхаарлаа хандуулдаг. Орчин цагийн хүүхдүүд буюу бидний Z үеийнхэн гэгдэх тэдний хувьд ялангуяа харилцан яриа, ойлголцол дээр хөгжиж дэвших онцлогтой төрөх болжээ. Дэлхий даяаршиж, хүн төрөлхтөн маш ихээр цахимжиж байгаа энэ л цаг үед бид хүүхдээ аль болох яриулж, тэдний оюун санаа, сэтгэл зүрхэнд байнга хамт байхыг эрмэлзэх шаардлага тулгараад байна. Тиймээс хоёр бяцхан хүүхдийнхээ хэлд орсон цагаас эхлээд анхаарал татахуйц, сонирхолтой философ бүхий яриаг түүвэрлэн буулгаж, тэмдэглэн хадгалсан нэгэн ээжийн энэхүү эмхэтгэл танд маш ихийг бодогдуулах биз ээ. 
Тэднийг сонсох нь тэдэнд тэврэлт шиг чухал зүйл юм.